Водителот на Фокс Њуз, Такер Карлсон во емисија објави список со имиња на луѓе за кои тврди дека починале и кои „гласале“ на изборите во САД.
„Тие најверојатно гласале за Бајден“, рече водителот според кој тоа покажува дека „не можете вистински да знаете кој за кого гласал“. пренесува Дејли мејл.
На списокот, што го објави синоќа, има имиња на најмалку четири лица во државата Џорџија, каде разликата меѓу Трамп и Бајден е помала од 15.000 гласачки ливчиња.
Тој објави имиња и на починати во Невада, а Такер ги обвини службените лица дека ги охрабрувале „измамите“ по пошта преку испраќање на гласачко ливче до сите регистрирани гласачи, и покрај тоа што знаеја дека 41.000 луѓе не ги ажурирале своите податоци повеќе од една декада.
“Демократите целосно го сменија начинот на кој гласавме на овие избори. Нашиот систем никогаш не бил помалку организиран и поподложен на манипулација”, рече Карлсон, мислејќи на гласовите што пристигнале по пошта , пренесува “Дејли меил”.
