Русија би можела да ја прошири војната со инвазија на Молдавија, поранешна советска република што се граничи со јужна Украина. Ова го соопшти високиот претставник за безбедност и надворешни работи Жозеп Борел.
„Да, ние сме многу загрижени за тоа што може да се случи со Молдавија“, рече Борел. „Искушението на Путин да ја прошири војната и да влијае на Молдавија е можно“, рече Борел.
Тој потсети на неодамнешните експлозии во земјата и присуството на руски војници.
Во молдавскиот регион Придњестровје живее мнозинско руско население, .
Минатиот месец, две експлозии во близина на границата со Украина деактивираа две моќни радиодифузни антени во молдавскиот сепаратистички регион Придњестровје.
Придњестровје е тесен појас на земја контролиран од сепаратистичките власти од војната со Молдавија во 1992.
Русија има околу 1.500 војници во отцепениот регион, повикувајќи се на мировни мисии.
