Дебарската гимназија „28 Ноември“ („Здравко Чочовски“) почнува со настава со физичко присуство на учениците наместо онлајн, како што беше предвидено, а за тоа не го информирала Министерството за образование и наука (МОН).
„Советот на професорите вчера, по одлуката и потписите на родителите и на учениците, по одлуката на Советот на Општина Дебар и по одлуката на Одборот на училиштето, ние денеска одлучивме да држиме настава со физичко присуство. Ги направивме сите потребни работи што ги бараат по закон Министерството за образование, и Министерството за здравство, и Комисијата (за заразни болести – н.з.)“, изјави за Канал 5 директорот Рамадан Имери, според кој гимназијата ги исполнува сите услови за тоа, а позитивна оценка добила и од Инспекторатот за образование.
