Одличниот настап на славната Селин Дион на отворањето на Олимписките игри на 26 јули во Париз е однапред снимен, тврдат експерти за францускиот весник „Либерасион“. Што ги поттикна на вакви обвинувања и како реагираат организаторите на познатиот спортски настан? Легендарната пејачка која се бори со неизлечива невролошка болест се уште не објави ништо.
Селин Дион ја изведе „Hymne à L’amour“ (химна на љубовта) пред Ајфеловата кула на свеченото отворање на ОИ. Тоа беше кулминација на раскошната церемонија на отворање на брегот на Сена, рече францускиот претседател Емануел Макрон дека е „емоционална кулминација“ на спортската екстраваганција.
„Технички е невозможно“
Музичките експерти тврдат дека настапот на пејачката Селин Дион на почетокот на овогодинешните Олимписки игри во Париз бил однапред снимен, пренесува Liberation. Таа воодушеви милиони со нејзиното враќање на сцената, додека ја пееше Hymne à L‘amour пред Ајфеловата кула. Францускиот претседател Емануел Макрон рече дека нејзиниот настап бил „емотивен врв“ на целиот настан, пренесува јутарњи.хр.
Сепак, во петокот угледниот француски весник Liberation објави дека настапот е „без сомнеж“ претходно снимен, повикувајќи се на бројни експерти од музичката индустрија.
Претставниците на организаторите на Олимписките игри одбија да одговорат на прашања за настапот, иако претходно инсистираа дека навистина е во живо.
Музичарот од Wings of Pegasus на Јутјуб коментираше дека пробата и вистинската изведба звучеле сосема исто, што е невозможно, бидејќи секогаш ќе има варијации помеѓу двете верзии на песната во живо.
Настапот на Олимпијадата требаше да биде триумфално враќање за Селин Дион, која се бори со неизлечива невролошка болест која предизвикува вкочанетост на мускулите и зголемена чувствителност на звук, допир и емоционални дразби.
Таа потоа вети дека ќе се врати на сцената „макар и да мора да ползи“, додавајќи дека нејзината цел е повторно да ја види Ајфеловата кула. Песната Hymne à L‘amour е избрана затоа што првично ја пеела покојната француска музичка икона Едит Пјаф.
