Француската државна железничка компанија SNCF соопшти дека била цел на „масовен напад“ што предизвика одложувања и откажувања на редовните линии, соопшти Еуроњуз.
„Масовниот напад“ на железничката инфраструктура на најголемата француска железничка компанија SNCF, предизвика значителен број возови да се пренасочат или откажат во петокот наутро, соопшти транспортната компанија.
Израел стравува од напади врз своите спортисти за време на Олимписките игри во Париз
„Ги замолуваме сите патници кои можат да го сторат тоа да го одложат патувањето и да не одат на станицата“, соопшти SNCF на социјалните мрежи.
Нападот се очекува да предизвика хаос на транспортниот систем на првиот ден од Олимпијадата во Париз во 2024 година.
Се вели дека нападот вклучувал подметнување пожари, а поправките може да влијаат на рутите во текот на викендот.
Министрите на француската влада побрзаа да ги осудат осомничените вандалски акти.
Патрис Вергриет, францускиот министер за транспорт, изјави на X дека неколку брзи возови TGV ќе останат во прекин во текот на следните неколку дена.
