Судот во Илиноис му забрани на поранешниот американски претседател Доналд Трамп да учествува на прелиминарните избори на Републиканската партија во оваа држава, објави Ројтерс.
Слични одлуки беа донесени претходно во сојузните држави Колорадо и Мејн, кои Трамп ги обжали.
Забраната од Илиноис беше наметната поради наводната улога на Трамп во упадот на Капитол на 6 јануари 2021 година. Сепак, пресудата беше одложена за да му се овозможи на поранешниот претседател да поднесе жалба.
Судот пресуди дека Трамп треба да биде дисквалификуван да се кандидира на прелиминарните избори на републиканците на 19 март бидејќи учествувал во немири.
За исходот од случајот Илиноис и слични случаи во други држави најверојатно ќе одлучува Врховниот суд на САД.
Портпаролот на кампањата на Трамп рече дека пресудата на судот во Илиноис „е неуставна и наскоро ќе биде обжалена“.
