Утрешниот 18 март ќе биде прогласен за ден на жалост во Бугарија, како израз на солидарност со Македонија, соопшти премиерот Росен Жељазков, јавија бугарски медиуми.
„Владата ќе одлучи утре да биде ден на жалост како израз на солидарност со нашиот наблизок сосед на Балканот. Тука нема политика, само сочувство и емпатија“, рече Жељазков.
Премиерот изрази сочувство до семејствата на жртвите.
„Во нашите болници во Софија, Пловдив и Варна во моментов има 14 македонски државјани. Се надевам дека организацијата што ја создадовме ќе биде ценета, но не е време да се обидеме да ја истакнеме нашата улога, бидејќи во такви моменти е важно да покажеме навремена солидарност, подготвени сме да прифатиме повеќе луѓе, но тоа ќе зависи од нашите колеги од Северна Македонија, ние сме во постојатн контакт“, рече Жељазков и додаде дека се обезбедени услови и за роднините на жртвите да пристигнат во Бугарија.
БНТ: Во тешка состојба повредените од пожарот пренесени во Бугарија
