АДМИНИСТРАЦИЈАТА на американскиот претседател Доналд Трамп планира да го укине привремениот правен статус на 240.000 Украинци кои побегнаа во САД пред војната против Русија, изјавија висок функционер на Трамп и тројца извори запознаени со ова прашање, што значи дека тие би можеле да бидат депортирани на забрзана основа, јавува Ројтерс.
Одлуката се очекува во април, а беше во подготовка дури и пред Трамп јавно да се судри со украинскиот претседател Володимир Зеленски минатата недела.
Најавенаа депортација е дел од пошироките напори на администрацијата на Трамп да им го одземе правниот статус на повеќе од 1,8 милиони мигранти кои влегле во САД според хуманитарните програми на администрацијата на Бајден.
Администрацијата на Трамп планира да ги прекине овие програми, кои се однесуваат и на 530.000 имигранти од Куба, Хаити, Никарагва и Венецуела, веќе овој месец, изјави официјален претставник на Трамп.
Мигрантите би можеле да бидат депортирани по забрзана постапка, се вели во е-поштата на американската служба за имиграција и царина, во која имаше увид Ројтерс.
