Според лидерот на владеачката партија Ковачевски на вчерашниот митинг во главниот град граѓаните на Скопје рекле ДА за СДСМ и ДУИ да продолжат да владеат.
СДСМ и ДУИ на изборите се претставуваат како Европски фронт.
,,Скопје вели одлучно „ДА“ за европската иднина на Македонија и полноправно членство во ЕУ”, смета Ковачевски по вчерашниот митинг.
,,Европската Унија значи европско образование за децата да ни останат тука, дома.
Европската Унија значи подобри услови и повисоки плати во здравството, за задоволни граѓани!
Европската Унија значи сигурна и безбедна иднина, иднина со заштитен јазик и зачуван идентитет, кој ја гарантира нашата државност!
И од тука, од центарот на нашиот главен град, порачувам – Нема откажување од европската иднина на Македонија”, објави Ковачевски!
