Утрово било лансирано безпилотно летало кон домот на израелскиот премиер Бенјамин Нетанјаху во северниот израелски град Цезареја, изјави неговиот портпарол.
Тој соопшти дека премиерот не бил во близина и нема жртви, јавува Ројтерс.
Претходно израелската војска соопшти дека од Либан е лансиран дрон и дека погодил зграда.
Според извештаите на израелските медиуми, првично не било познато дали Нетанјаху бил во крајбрежното одморалиште лоцирано меѓу Тел Авив и Хаифа во моментот на нападот.
Во инцидентот нема повредени, соопшти армијата.
Пресретнати биле уште два беспилотни летала кои преминале на израелска територија, соопшти војската.
🚨At least one drone from Lebanon exploded in Caesarea, south of Haifa, on Israeli Prime Minister Netanyahu's residence, crossing 70km from Lebanon undetected. pic.twitter.com/nGl1pviaZH
— The Palestine Chronicle (@PalestineChron) October 19, 2024
