Во текст со назнака ,,Ексклузивно” Ројтерс објавуваат дека САД сакаат Украина да одржи избори до крајот на годинава потенцијално по прекин на огнот со Русија. Тоа според агенцијата го порачал претставник на претседателот Трамп.
Соединетите држави сакаат Украина да одржи избори, потенцијално до крајот на годината, особено ако Киев може да се договори за примирје со Русија во наредните месеци, изјавил за Ројтерс висок функционер на претседателот Доналд Трамп.
Кит Келог, специјалниот пратеник на Трамп за Украина и Русија, во интервју рекол дека украинските претседателски и парламентарни избори, суспендирани за време на војната со Русија, „треба да се направат“.
„Повеќето демократски нации имаат избори во време на војна. Мислам дека е важно да го направат тоа“, рече Келог. „Мислам дека тоа е добро за демократијата. Тоа е убавината на солидна демократија, кога имаш повеќе од една личност потенцијално да се кандидира.
Трамп и Келог претходно изјавија дека работат на план за постигнување договор во првите неколку месеци од новата администрација за ставање крај на сеопфатната војна што избувна со целосната инвазија на Русија во февруари 2022 година.
Планот на Трамп сè уште се развива и не се донесени никакви политички одлуки, но Келог и другите претставници на Белата куќа разговараа во последните денови за притисок врз Украина да се согласи на избори како дел од првичното примирје со Русија, цитира Ројтерс две лица кои знаат за тие разговори.
Претставниците на Трамп, исто така, дебатираат дали да се заложат за првичен прекин на огнот пред да се обидат да постигнат потраен договор, рекле двете лица запознаени со дискусиите на администрацијата на Трамп.
Ако во Украина се одржат претседателски избори, победникот би можел да биде одговорен за преговорите за долгорочен пакт со Москва, велат изворите.
Изворите одбиле да бидат именувани затоа што се работи за чувствителните политички и безбедносни прашања.
Нејасно е како таквиот предлог на Трамп би бил дочекан во Киев. Претседателот Володимир Зеленски изјави дека Украина би можела да одржи избори оваа година доколку борбите завршат и се воспостават силни безбедносни гаранции за да се одврати Русија од обновување на непријателствата.
Висок советник на Киев и извор од украинската влада изјавија дека администрацијата на Трамп сè уште официјално не побарала Украина да одржи претседателски избори до крајот на годината.
Преходно Зеленски ги суспендираше изборите за претседател додека не заврши војната во Украина.
Со оглед на моќта што ја има Зеленски можно е тој да победи но нема да биде изненадување ако тој загуби затоа што во игра се неколку други кандидати кои ако го искористат имиџот на актуелниот претседател како човек кој именувал луѓе кои беа фатени со огромна корупција.
Барањето на САД да има избори за Зеленски е ризик затоа што така може веќе да не биде претседател.
Најчитани статии
Како Македонија да го реши проблемот што го предизвикуваат институции на други држави
