Согласно планот за засилени мерки во сообраќајот полициски службеници од СВР Скопје, во текот на вчерашниот ден спроведоа зајакната акциска контрола на целата територија во нивна надлежност, при што санкционирани се вкупно 549 возачи, од кои 187 се за возење со брзина поголема од дозволената.
- Сообраќајните контроли по планот продолжуваат и во наредните денови. Апелираме до граѓаните да ги почитуваме сообраќајните правила и прописи за да ја зголемиме безбедноста во сообраќајот и заедно да придонесеме за посигурни патишта, наведуваат од МВР.
Како што соопшти МВР, изречени се и 36 санкции за управување возила без возачка дозвола, додека останатите мерки се однесуваат на прекршоци, од кои најголем број се за погрешно или недозволено паркирање.
