Поглаварот на Руската православна црква – Мовковска патријаршија, Кирил, им го честита Божик на претстојателите на сите помесни православни цркви, меѓу кои и на аерхиепископот охридски и македонски Стефан.
„Срдечно Ве поздравувам и Вi го честитам светлиот празник Рождество Христово.
Со духовен трепет стоиме пред чудесната тајна на овоплотувањето на Спасителот и заедно со небесната војска торжествуваме: ‘Слава на Бога во висините и мир на земјата, a меѓу луѓето добра волја“ (Лука 2:14). ). Големината на љубовта на Создателот кон луѓето е навистина неопислива. ‘Зошто нашиот Господ зеде тело?’ – прашува монахот Ефрем Сирин. ‘Заради тоа самото тело да ја вкуси радоста на победата и за да се исполни и да ги спознае даровите на благодатта’ (Толкување на четвороевангелието).
Испраќајќи му пофалби на Спасителот роден во Витлеем, ние се молиме и за исцелување на поделбите, за укинување на нередот и на секое непријателство, за зајакнување на Неговата Света Црква, за растење на верата и за зголемување на љубовта на сите едни кон други (2 Сол. 1:3).
Ви посакувам добро здравје, мир и неисцрпна помош од Великодаровитиот Господ во Вашите понатамошни првосветителски подвизи.
Со братска љубов во Исуса Христа,
+Кирил, патријарх московски и на цела Русија“, стои во божикната честитка, во која Стефан се именува со титулата „Негово блаженство архиепископ охридски и македонски“.
