Велемајсторскиот потег на капитенот на фудбалската репрезентација на Македонија, Енис Барди, со кој го отвори патот кон победата од 2:0 над Ерменија синоќа во Скопје, е еден од четирите во конкуренција за гол на второто коло од Лигата на нациите во изборот на УЕФА.
На 18. погодок на Барди во 66. настап за националниот тим, кој е прв на листата, му конкурираат „ножичките“ на Јусуф Поулсен од Данска против Србија (2:0), како и еден од погодоците во хет-трикот на Бенјамин Шешко од Словенија против Казахстан (3:0) и „бомбата“ на Гиорги Кочорашвили од Грузија против Албанија (1:0) во Тирана.
