Прекинот на огнот меѓу Хезболах и Израел стапи на сила во 4:00 часот утрово по локално време, по повеќе од една година борби кои однесоа илјадници животи. Тоа беше договорено со поддршка од САД, јавија медиуми.
Договорот треба да стави крај на конфликтот во кој се раселени десетици илјади Израелци и стотици илјади други во Либан.
Објавено од американскиот претседател Џо Бајден, примирјето предвидува првичен 60-дневен прекин на непријателствата, што Израел ќе го искористи за постепено повлекување на своите сили, оставајќи ја либанската армија да заземе позиции во близина на границата со Израел за да се осигура дека Хезболах нема да ги обнови неговото воено присуство таму.
Од друга страна, Хезболах мора да се повлече северно од реката Литани според договорот.
Сепак, борбите продолжија доцна во ноќта. Борците на Хезболах соопштија дека нападнале воен цели со беспилотни летала во Тел Авив.
Помалку од еден час пред почетокот на примирјето, воздушни напади беа извршени и врз јужните предградија на Бејрут, јавија дописниците на новинските агенции.
Израелскиот премиер Бенјамин Нетанјаху во телевизиско обраќање рече дека времетраењето на договорот за примирје ќе зависи од активностите на Хезболах и дека доколку групата се обиде повторно да се вооружи, тоа ќе се смета за прекршување на договорот.
