При спроведувањето на своите надлежности претседателката Гордана Сиљановска Давкова и Врховен командант секогаш се води од Уставот и законите.
Така е и при поставувањето на новиот началник на генералштабот на армијата генерал-мајор Сашко Лафчиски, кој е поставен на должноста согласно позитивните законски прописи.
Ова е одговорот од кабинетот на претседателката Сиљановска Давкова на прашањето на МКД.мк за забелешките на поставувањето на новиот началник на Генералштабот на АРМ.
Прашањето беше според кои критериуми најмладиот генерал кој е вонредно унапреден стана началник на ГШ на АРМ прескокнувајќи дури шест генерали: Азим Нуредин (од 2015 бригаден генерал, 2018 – генерал мајор), Мирче Ѓоргоски (од 2015 бригаден генерал), Орце Јордев (од 2016 бригаден генерал), Методи Хаџијанев (од 2018 бригаден генерал), Симеон Трајковски (од 2020 бригаден генерал), Бесник Емини (од 2020 бригаден генерал) и Сашко Лафчиски (од 2022 бригаден генерал и од 2024 генерал мајор). МКД.Мк
Инаку, Државната комисија за спречување корупција отвори предмет за назначувањето на новиот началник на Генералштабот на Армијата, Сашко Лафчиски. Само неколку часа откако тој и официјално стана началник на Генералштабот на Армијата на Македонија, Алијанса за Албанците го проблематизираше неговиот избор велејќи дека тој неправедно и незаконски го зазел местото што му припаѓало на Албанец.
