Израелските одбранбени сили (IDF) соопштија дека го нападнале командниот центар на палестинската милитантна група Хамас, сместен во зграда во центарот на Газа, која претходно била користена како училиште.
„Центарот за команда и контрола, кој беше вграден во комплексот што претходно служеше како училиште „Калед ибн ал-Валид“, беше користен од терористите на Хамас за планирање и извршување терористички напади против трупите на ИД и државата Израел. Израелската војска соопшти за нападот на училиште.
Во соопштението што го објавија на Телеграм, тие не дадоа информации за жртвите. Војската соопшти дека „преземени се голем број чекори за да се минимизира ризикот од цивилни жртви“.
„Ова е дополнителен пример за систематска злоупотреба на цивилната инфраструктура од страна на терористичката организација Хамас што го прекршува меѓународното право“, истакнаа тие.
Најмалку 22 лица, претежно жени и деца, загинаа во израелски напад врз училишен комплекс, соопштија палестинските власти.
Портпаролот на Цивилната заштита на Газа, Махмуд Басал, рече дека проектилот го погодил училиштето Ал-Зајтун во близина на градот Газа, кое служело како засолниште за илјадници луѓе.
Повеќе од 41.000 луѓе се убиени во Појасот Газа од почетокот на војната предизвикана од нападите на 7 октомври, според локалните здравствени власти во Газа. Индекс.хр
