Министерството за внатрешни работи соопшти дека на граничниот премин „Табаноц“ бил уапсен 43-годишен маж, кој изјавил дека е од Палестина.
Тој, според МВР, доставил фалсификувана романска лична карта за идентификација.
„На 15.03.2024 година во 15.00 часот на граничниот премин „Табаноц“ полициски службеници го лишиле од слобода Ф.К.Б.(43), според неговата изјава, од Палестина. При проверката на пасошот дал романска лична карта за која било утврдено дека е фалсификувана. Лицето е испратено во СПБ-Куманово на понатамошна постапка“, велат од МВР.
