„Прв пат од потпишувањето на Охридскиот договор, ниту еден Албанец не ги зазема главните позиции во војската на * Македонија. Отстранувањето на единствениот Албанец-генерал од Оперативната команда остави Албанците без претставување во четирите највисоки воени позиции. Покрај тоа, именувањето на генералите Орце Јордев и Мирче Ѓоргевски, кои добија негативен одговор од НАТО во врска со безбедносните сертификати, создава сериозни загрижености во однос на стратешката ориентација на нашата земја. Овој развој сугерираат тенденција кон анти-НАТО водство, проруско и просрпско во војската, додека Албанците се систематски исклучуваат од безбедносниот систем.“ – тврди ДУИ во своето денешно соопштение, пренесено од ТВ 21, кое претставува не само измислица,туку и опасна манипулација со такви сериозни воено-безбедносни прашања во Република Македонија.
Во своето соопштение натаму партијата на Али Ахмети тврди: „Прв пат Агенцијата за разузнавање, Агенцијата за национална безбедност и Воената агенција немаат ниту еден Албанец на водечка позиција. Ова намерно исклучување на Албанците од клучните безбедносни институции претставува сериозна закана за безбедноста на државата и поставува прашања за целите зад ова етничко чистење во безбедносниот систем. Во ова алармантно време албанските партии во владата треба да го прекинат својот однос како адвокати на антиалбански и исклучувачки политики. Албанците нема да останат набудувачи, туку ќе реагираат за да ги заштитат себе си и своите интереси.“
„Им упатуваме апел на меѓународната заедница, особено на НАТО, да интервенираат, за да се справат со ова систематско исклучување и да се обезбеди дека * Македонија останува посветена на демократските вредности и стратешките партнерства.“ – наведува ДУИ во своето соопштение, кое, исто така, претставува уште еден обид за уривање на суверенитетот на македонската држава.
