Во Каракас е објавен документарниот филм „Од Македонија, со љубов“ за изборниот бес во Венецуела.
Според информации од официјален Каракас противници на актуелниот претседател Мадуро минатата година дошле во Македонија од каде со сајбер напади се обиделе актуелната администрација во оваа држава да замине од власт.
За венецуелската опозиција 29ти јули 2024 година стана историски ден за Венецуела, обележан со повеќе од 300 протести за отфрлање на резултатите од претседателските избори на 28 јули.
Колективот „Хача и Мачете“ ги документира овие настани во документарниот филм „Од Македонија, со љубов“, кој се обидува да го оправда народното движење на огорченост што се појави откако Николас Мадуро беше прогласен за претседател.
Оваа продукција го истражува наративот на венецуелската влада за наводен сајбер напад Македонија, кој би го спречил ширењето на изборните резултати. И покрај тоа, Мадуро беше прогласен за победник, што предизвика бран спонтани протести низ целата земја.
„Од Македонија, со љубов“ повлекува паралели и со историските настани како што се Караказо од 1989 година и демонстрациите од 2014, 2017 и 2019 година, истакнувајќи ја важноста на овие протести во современата историја на Венецуела.
Документарецот содржи сведоштва на бранители на човекови права, аналитичари, водачи на заедницата и луѓе кои учествуваа во протестите на 29 јули, многу од нив со покриени лица и со искривени гласови од безбедносни причини.
Меѓу значајните сведоштва собрани на веб-страница е она на Рафаел Ускатеги, социолог и бранител на човекови права, кој дава интервју за настаните од 29 и 30 јули и нивното влијание врз политичката реалност во Венецуела.
Вклучени се и интервјуа со роднини на политички затвореници, кои ја опишуваат тешката реалност со која се соочуваат приведените по постизборните протести.
Документарецот е направен потпирајќи се на видеа, сведоштва и поплаки од тој ден и се обидува да го задржи духот на огорченост присутен во венецуелското општество.
Македонија поточно Велес во 2016 година се споменуваше како земја од каде се влијаело при изборот на претседателот Трамп во неговиот прв мандат.
