Најмалку 15 лица загинаа, а десетици се повредени доцна во неделата кога израелски бомбардираа училиште во кое се сместени раселени Палестинци во кампот Нусејрат во централниот појас Газа, јави Би-Би-Си.
Ова го објави и АФП, повикувајќи се на Агенцијата за цивилна заштита во Газа.
„Училиштето беше бомбардирано од израелската артилерија, при што загинаа 15 маченици, вклучувајќи деца, жени и цели семејства, а беа повредени 50 луѓе“, рече Махмуд Басал, портпарол на агенцијата.
Од своја страна, израелската војска вели дека се обидува да избегне да им наштети на цивилите и го обвинува Хамас и другите вооружени групи дека дејствуваат во густо населените области.
Во северниот дел на Газа, израелските воздушни и копнени сили ја нападнаа Џабалија, каде војската соопшти дека палестинските милитанти се прегрупирале.
Во текот на изминатата година, израелските сили постојано се враќаа во изградениот бегалски камп, кој датира од војната во 1948 година.
Се проценува дека околу 400.000 луѓе остануваат на северот по масовната евакуација наредена во првите недели од војната.
Палестинците стравуваат дека Израел има намера трајно да го наруши северот со цел да воспостави воени бази или еврејски населби таму.
