Возилото што го користеле четворица војници на американската армија, кое исчезна во вторникот попладне во Литванија, е пронајдено потопено во вода, а потрагата по исчезнатите војници продолжува, соопштува Армијата на САД.
„Оклопното возило за опоравување М88 Херкулес со кое оперираа четворицата исчезнати американски војници за време на вежбање е лоцирано во Литванија“, се вели во соопштението.
За време на посетата на Варшава, генералниот секретар на НАТО Марк Руте претходно во средата изјави дека војниците загинале, но дека не знаел никакви детали.
Војската на Литванија подоцна на социјалната мрежи Х напиша дека продолжува со „интензивната“ спасувачка операција и дека нема информации што ја потврдуваат смртта.
Војниците тренирале во близина на Пабраде во источна Литванија во близина на границата со Белорусија, соопшти американската армија.
„Војниците, сите од 1-та бригада, 3-та пешадиска дивизија, во моментот на инцидентот спроведуваа закажана тактичка обука“, се вели во претходното соопштение на армијата.
