Претседателот на Малдиви, Мохамед Муизу, по препорака од Кабинетот, реши да воведе забрана за израелските пасоши.
Министерот за домашна безбедност и технологија Али Ихсаан ја соопшти одлуката на прес-конференција одржана попладнево во Кабинетот на претседателот.
Одлуката на Кабинетот вклучува измена на неопходните закони за да се спречат сопствениците на израелски пасоши да влезат на Малдивите и да се формира поткомитет на Кабинетот кој ќе ги надгледува овие напори.
Дополнително, во случајот со Палестина и со Израел, претседателот одлучи да назначи специјален пратеник за проценка на палестинските потреби и да организира кампања за собирање средства за помош на Палестинците со помош на Агенцијата на Обединетите нации за помош на палестинските бегалци на Блискиот Исток.
