Македонија беше една од 128 земји што на итната седница на Генерално собрание на Обединети нации гласаше против одлуката на Соединети Американски Држави да го прогласат Ерусалим за главен град на Израел.
Осум земји ги поддржаа САД, и тоа Израел, Гватемала, Хондурас, Того, Маршалски Острови, Микронезија, Науру и Палау, што заедно со американскиот глас се само девет во прилог на одлуката на претседателот Доналд Трамп. Воздржано гласаа 35 држави, а 21 не гласаа.
Од ексјугословенските републики Хрватска и Босна и Херцеговина беа воздржани, а, покрај Македонија, за резолуцијата со која потегот на САД се прогласува за „ништовен“ гласаа Србија и Црна Гора.
