Власта во заминување ветуваше олеснувања за пациентите со дијабет, но и тие кои ги обезбеди се со слаб квалитет. Сензорите за мерење на шеќерот во крвта кои државата ги обезбеди за децата со дијабет не функционираат во целост, па родителите велат дека повторно мора да ги купуваат приватно.
Пациентите велат дека наместо 14 им траат по 3 до 4 дена, па месечно треба да одвојат плус уште речиси 100 евра за да може без проблем да го минат месецот.
Сојузот на дијабетичари бара здравствените власти да го променат моделот на набавка на сензори и други помагала, но и да се стават нови лекови на позитивната листа.
