„Алка по алка го прават синџирот, кој овојпат ќе биде сочинет од министри, кои го присвоија буџетот предвиден за училишни учбеници и за планираниот економски развој… Семејни хидроцентрали, каменоломи за внуци, вили за синови и ќерки, компании за зетовци, замоци и сараи за лидери, станови за пријателки, хотели и мотели за калуѓерки… Замрсено клопче, но малку по малку ќе биде растурено, бидејќи во спротивно нема да биде добро за нашето општество.“ – вели Фатмир Лимани, потпретседателот на Беса, која е дел од коалицијата Вреди, едновремено и внук на лидерот на ДУИ Али Ахмети, во објавата на својот фејсбук-профил, која ја наслови индикативно како „Духот на правдата“. Објавата на Лимани ја пренесе информативната агенција на албански јазик Илирија-ИНА. Преку фејсбук Лимани одреагира по информацијата дека е поднесена кривична пријава против Крешник Бектеши, поранешниот министер за правда, поради сомничење дека извршил кривично дело „Попречување на правдата“. Но, потпретседателот на Беса Лимани им навестува на Али Ахмети и на членовите на неговото семејно „бизнис-царство“ и на сите негови сега веќе поранешни државни функционери, дека ќе се соочат со прогонот и правдата сите меѓу нив, за кои ќе се докаже дека се вмешани во криминал и корупција.
Лимани дополнува: Списокот е долг и не може да се мине низ него во еден здив.
#СегаПочнуваБелјата
