На денешното годишно Собрание на претседателите на Собранијата на земјите членки на НАТО кое се одржува во Брисел по повод 70 години јубилејно постоење, свое обраќање имаше пратеникот и членот на ИК на ВМРО-ДПМНЕ, Драган Ковачки кој истакна:
„НАТО не е само воен сојуз, туку и жива заедница на демократските нации. Со децении нашите парламенти работеа на обезбедување транспарентност, одговорност и дека гласот на нашиот народ е слушнат. За мојата земја, патот кон НАТО беше долг, а понекогаш и неизвесен, но секогаш воден од убедување, реформи и верба во заедничка евроатлантска иднина“, вели Ковачки.
Ковачки посочи дека нашиот глас е обликуван од отпорност и трансформација. Тој посочи дека НАТО ја одразува демократската волја на нашите нации.
„Како земја од Југоисточна Европа, нашиот глас е обликуван од отпорност и трансформација. Ние сме доказ дека вратата на ЕУ останува отворена и дека демократијата е патот кон мирот. Во денешниот свет на дезинформации, нестабилност и конфликти, улогата на нашите парламенти е да ја бранат вистината и да се осигураат дека изборите на НАТО ја одразуваат демократската волја на нашите нации“, дециден е Ковачки.
https://www.facebook.com/plugins/video.php?height=313&href=https%3A%2F%2Fwww.facebook.com%2FDraganKovachki%2Fvideos%2F4039071699674248%2F&show_text=false&width=560&t=0
