Арис Насуфи, Албанец од струшкото село Велешта, е казнет со 61.695 денари за физичкиот напад врз несудениот Бекир Кадриески од Лабуништа на 13 јуни 2023 година во Струга.
Кадриески, кој бил одбиен за бугарско државјанство, бил натепан од Насуфи поради неговото „бугарско потекло“ и муслиманската вероисповед на паркингот пред спортската сала во Струга.
Сопретседателот на Здружението на Бугарите „Шемето“ бил нападнат од тројца, при што двајца го држеле, а третиот му задал удари.
Органите на прогонот го уапсиле само Насуфи, а Кадриески бил примен на лечење во Военомедицинската академија во Софија, каде што му било констатирано внатрешно крварење и уринирал крв, но Судот проценил дека тој добил лесни телесни повреди, пишуваат медиумите во Бугарија.
