Милијардер Илон Маск, за време на предизборен митинг на Доналд Трамп порача дека претседателските избори на 5 ноември во САД ќе бидат „најважните избори во нашиот живот“.
Митингот се одржа во Батлер, Пенсилванија, местото каде што беше извршен обид за атентат врз Доналд Трамп, вубиен во средината на јули и кога беше полесно повреден.
Во своето обраќање до илјадниците собрани следбеници на Трамп, Маск повтори многу од тезите што ги користеше поранешниот американски претседател и неговиот кандидат за потпретседател Џеј-Ди Венс во нивната кампања.
„Тие сакаат да ви го одземат правото на глас и правото да носите оружје“, сакаат да ви ја одземе слободата на говорот – рече мултимилијардерот и поддржувач на експретседателот.
„Ако Трамп не победи, ова ќе бидат последни избори“ „Претседателот Трамп мора да победи за да го зачува уставот. Мора да победи за да ја зачува демократијата во Америка“, рече Маск.
„Ако не го стори тоа, ова ќе бидат последни избори. Тоа е моето предвидување“, рече Маск.
Маск често промовира теории на заговор и долго време го поддржува Трамп, редовно критикувајќи го својот противник, актуелниот американски потпретседател Камала Харис.
Трамп неодамна навести дека Маск би можел да предводи комисија за ревизија на финансиите на САД доколку победи на изборите „Маск треба да ги намали државните трошоци“, рече Трамп.
