Вечерва во 20:35 часот во околината на Скопје е регистиран земјотрес со јачина од два степени според Рихреровата скала, информира Телеметриската сеизмолошка мрежа на Македонија.
Оттаму информираат дека епицентарот е во скопското подрачје.
Според досегашните податоци со кои располага опсерваторијата, земјотресот е почувствуван од населението на градот Скопје и околината, со интензитет од III степени според Европската макросеизмичка скала.
Во 19:30 часот, пак, како што информира Европскиот медитерански сеизмолошки центар (ЕМСЦ) е регистиран земјотрес на македонско-косовската граница.
Засега од ЕМСЦ не објавија детали за земјотресот, ниту која е неговата јачина.
