Иако Зеленски им ветил на своите меѓународни партнери дека Украина ќе може да се бори доколку добие оружје и други форми на помош, украинскиот претседател и највисоките воени команданти досега не успеале да направат јасен план за регрутирање илјадници критично потребни нови војници, пишува Вашингтон пост..
Неможноста на Зеленски да постигне политички консензус за стратегијата за мобилизација доведе до длабоки поделби во украинскиот парламент и општеството.
Смената на врховниот командант Валериј Залужни не понуди јасна стратегија за мобилизација, иако тоа беше една од причините за овој потег, наведува „Вашингтон пост“ и додава дека ниту новиот врховен командант Александар Сирски, ниту Претседателството знае што се случи со 700.000 од милион нови регрути кои сè уште не се појавија на фронтот.
Покрај ова, западните медиуми посочуваат дека проценките на украинскиот претседател за загубите на војниците од почетокот на конфликтот не се совпаѓаат со реалната ситуација.
„Зеленски …минатиот викенд тој за прв пат јавно го објави бројот на убиени украински војници, велејќи дека од февруари 2022 година, 31.000 биле убиени, а оваа бројка не можеше да биде независно потврдена“, пишува „Вашингтон пост“.
Од друга страна, рускиот министер за одбрана Сергеј Шојгу на крајот на февруари изјави дека Украина изгубила повеќе од 444.000 војници од почетокот на војната.
„Њујорк тајмс“, кој прв се огласи по тврдењата на украинскиот претседател, не беше убеден во оценките на Зеленски.
„Бројот на загинатите припадници на вооружените сили на Украина во последните две години од конфликтот, наведен од Зеленски, е во спротивност со проценките на американските власти кои минатото лето ги процениле загубите на многу поголеми, велејќи дека загинале близу 70.000 Украинци. , додека меѓу 100 и 120.000 се ранети“, објави американскиот весник.
