Една жена загина за време на силното невреме кое го погоди Сомбор, Србија околу 17 часот, откако паднало дрво врз нејзиниот автомобил.
Kaко што соопштил министерот за внатрешни работи на Србија Ивица Дачиќ, жената од здобиените повреди починала на лице место. Дачиќ ги повика граѓаните да бидат крајно внимателни поради невремето во Србија, на што предупредува Републичкиот хидрометеоролошки завод. јавува Б92.
Силно невреме го зафати Нови Пазар и околината околу 15 часот, предизвикувајќи прекин на електричната енергија во неколку населби. Обилните врнежи и град со големина на ореви паѓаа со часови без престан. Поради обилните врнежи, на улиците се појавија големи количества вода, што го отежна движењето на автомобилите.
Околу 18 часот во Нови Пазар имало прекин во снабдувањето со електрична енергија во повеќе населени места. Сè уште нема информации за можни штети на патната инфраструктура и домаќинствата. Невремето го зафати и Севојно, што предизвика прекин во снабдувањето со електрична енергија. Обилните врнежи предизвикаа поголема количина на вода на улиците на Севојно и околината, што го отежна движењето по коловозот.
