Бројот на загинати во ноќен клуб во Доминиканската Република достигна 218, а се стравува дека бројката на мртви по уривање на покривот во Санто Доминго може да продолжи да расте.
Официјалните лица не кажаа колку луѓе имало во клубот во моментот на катастрофата.
Се стравува дека до 1.000 луѓе можеле да бидат во клубот за време на несреќата, објавија локалните медиуми, иако се уште не е дадена официјална бројка.
Спасувачите френетично работат по колапсот во раните утрински часови во вторникот за да ги ископаат преживеаните од урнатините на популарниот клуб Џет Сет во Санто Доминго.
„За жал има 218 мртви како прелиминарни податоци“, изјави за новинарите Хуан Мануел Мендез, директор на Центарот за итни операции (ЦОЕ).
Тој рече дека 189 луѓе биле „извлечени живи“ од колапсот.
