Бугарија во недела ќе гласа на седмите предвремени избори во четири години.
Најновите анкети пак укажуваат дека нема јасен победник ни очигледни опции за солидна коалиција. Се очекува одзивот на гласачите, кој се проценува на околу 30 отсто, да биде најнизок од падот на комунизмот.
Без неочекувано политичко партнерство или ненадејна појава на силен лидер кој би можел да обедини коалиција, повеќето аналитичари предвидуваат дека земјата повторно ќе гласа следната година.
„Кризата на политичкиот систем е длабока“, вели Огњан Минчев, професор по политички науки на Универзитетот во Софија.
Ваквата дисфункција е загрижувачка за Бугарија, балканска земја која граничи со Црното Море со 6,4 милиони жители. Нејзиното пристапување во ЕУ во 2007 година отвори период на оптимизам обележан со пораст на животниот стандард и брз економски раст. Но, глобалната финансиска криза, пандемијата на коронавирус и војната во Украина ги намалија странските инвестиции.
Сега на оваа земја и е многу потребен период на стабилна влада за да го забрза протокот на средства од ЕУ во нејзината прилично слаба инфраструктура и да ја турка кон воведување на еврото.
Гласањето завршува во 20 часот, а благодарение на излезните анкети, првичните резултати би требало да бидат познати во исто време. Конечните резултати ќе бидат објавени по неколку дена.
