Бугарскиот премиер му порача на македонскиот колега Зоран Заев дека треба да се гледа напред зашто „твоите сонародници го потврдија тоа“ по објавувањето на резултатите од локалните избори , пренесоа бугарски медиуми.
Во телефонски разговор, Бојко Борисов честитал, порачал и оценил дека резултатите од спроведените локални избори во Република Македонија се „доказ за одобрување на политиката на вашата Влада – на политиката на добрососедство, на дијалог и разбирање, во основата на која се европските вредности“.
Бугарската владината прес служба, го потврди разговорот, пренесуваат бугарски медиуми.
„Решивме да гледаме напред и вашите сонародници го потврдија овој избор. Сигурен сум дека резултатите нема да доцнат “, го пренесуваат бугарски медиуми одушевувањето на бугарскиот премиер.
Според Борисов, позитивните сигнали „емитувани“ и кон народот на Република Македонија и кон меѓународната заедница, потпишани на почетокот на август со Договорот за добрососедство со Бугарија е голем чекор на патот кон перцепција на Република Македонија како сериозен партнер на НАТО и Европската унија.
