Бугарскиот премиер Бојко Борисов на денешниот Конгрес на неговата партија Граѓани за европски развој на Бугарија (ГЕРБ) си ги припиша заслугите за склучениот Договор за пријателство, добрососедство и соработка со Македонија.
„Велат, сите ние работевме за договорот со Македонија. Сите сте работеле, но ние го направивме. Ако беше лесно, да го цитирам колегата Валери Симеонов (вицепремиер и лидер на Национален фронт за спас на Бугарија – н.з.), ќе го направеа“, рече лидерот на ГЕРБ на 4. Конгрес на владејачката партија во Бугарија, на кој беше реизбран за претседател, обраќајќи ѝ се на опозициската Бугарска социјалистичка партија (БСП).
