Централното претседателство на Алтернатива разговараше за политичката и општата безбедносна состојба во земјата, која, според оваа партија е „е нарушена по поттик на одредени опозициски деструктивни сили, која не можат се уште да се помират со фактот дека се во опозиција.“ – објави ТВ21.
Телевизијата го пренесува соопштението, кое го објави раководството на Алтернатива по својата седница: „За Алтернатива е укажувачки тоа што овие инциденти се случуваат токму во време кога се случуваат и српските напади на северот на Косово. Алтернатива ги осудува сите постапки, кои ги повредуваат мирот и безбедноста и повикува на разум и зрелост од страна на граѓаните, да не станат жртви на подбуцнувањето од неуспешните политичари, кои фрлаат камен и ја кријат раката, со која го фрлиле.“
„Алтернатива ја поздравува одмерената работа на Министерството за внатрешни работи и ги охрабрува органите на прогонот да бидат на чело на своите должности и да не дозволат на ниеден начин да се загрози безбедноста на граѓаните.“
„Централното претседателство на Алтернатива го повикува Уставниот суд да не експериментира со своите права и обврски, нарушувајќи го унапреденото право на албанскиот јазик, бидејќи тоа може да биде удар врз меѓуетничките односи во * Македонија и нејзината посветеност кон интеграцијата во Европската Унија“ – се наведува, меѓу другото, во соопштението на Алтернатива.
