„Ѓока констракшн“, компанија од Албанија ќе стопанисува со паркингот на Клиничкиот центар во Скопје, објави Призма.
На огласот, кој беше распишан на 15 ноември се јавила само „Ѓока констракшн“, која е формирана во Тирана во 1994 година, од 2022 има регистрирано подружница и во Скопје.
Фирмата, преку јавно-приватно партнерство ќе стопанисува со паркингот во наредните 20 години, потврди министерот за здравство Арбен Таравари за БИРН.
„Ѓока констракшн“ треба да изгради две катни монтажни гаражи – инвестиција која се проценува на околу 10 милиони евра и ќе стопанисува со целиот паркинг на Клиничкиот центар, а за возврат државата да добие еден отсто од вкупните остварени годишни приходи.
Моментно, на Клиничкиот центар има 800 паркинг места, а со двете катни гаражи би се добиле уште 800 до 900.
Сега со паркингот на Клинички центар стопанисува ЈП „Градски паркинг“.
Таравари: Две нови катни гаражи и повеќе места за паркирање на Клиничкиот центар
