Австралија во петокот соопшти дека уапсила руски брачен пар под обвинение за шпионажа, пренесуваат агенции.
Австралиската федерална полиција (AFP) соопшти дека двојката, која има австралиско државјанство, работела на пристап до материјали поврзани со националната безбедност на Австралија, иако сè уште не е идентификувана значителна штета.
Полицијата соопшти дека 40-годишната жена отпатувала во Русија и му наложила на нејзиниот сопруг во Австралија да се најави на нејзината официјална сметка за да пристапи до одбранбениот материјал
Игор и Кира Королеви се појавија во Судот во Бризбејн, откако беа обвинети за подготовка за кривично дело шпионажа, што предвидува максимална казна од 15 години затвор.
Обвиненијата се први според новите закони воведени во 2018 година.
Тие не побарале кауција и им е одредена мерка притвор до 20 септември, кога треба да се најдат на суд, објавија медиумите.
Двојката живее во Австралија повеќе од 10 години, при што жената доби австралиско државјанство во 2016 година, а нејзиниот сопруг во 2020 година.встралија
