Адвокатот и член на претседателството на партијата Твоја Александар Тортевски на саркастичен начин објаснува зошто градот Скопје кој според најавата на градоначалникот Петре Шилегов влезе во трката за најзелен град во Европа брзо испадна од конкуренција.
“Скопје од трката за најзелен град, испаднало заради едно дрво”, пишува Тортевски кој очигледно алудира на градоначалникот Петре Шилегов.
Во разговорниот македонски јазик зборовите дрво или труп се користат и за опис на луѓе кои се неактивни, пасивни или не вршат никаква работа.
Во коментарите на твитот има и други иронични објаснувања за зелениот статус на Скопје.
Скопје од трката за најзелен град, испаднало заради едно дрво.
— Aleksandar Tortevski (@atortevski) July 14, 2021
