Еден од најголемите стравови на хрватските потрошувачи за преминот кон еврото – зголемувањето на цените – се чини дека се случува и покрај ветувањата на владата дека се преземени чекори за да се спречи ова сценарио, пренесува „Гласот на Хрватска“, програма на државната Хрватско национално радио.
Продавниците за храна ги зголемија цените од 3 на 19 насто на производите како чоколадо, печива, пиво, путер, павлака, тоалетна хартија и кафе. Услугите поскапеа од 10 на 80 насто. Во туристичкиот сектор инспекторите констатирале скок на цените од 1 до 10 насто.
Владата на премиерот Андреј Пленковиќ одговори во четвртокот на жалбите, ветувајќи повеќе инспекции и санкции.
Со прелиминарните проверки веќе се откриени многу неправилности – од извршените 306 проверки, во 96 случаи се констатирани прекршувања на правилата, што е околу секој трет случај.
На состанокот на владата во четвртокот, премиерот Пленковиќ истакна дека поентата на преминувањето кон еврото не е дека некои луѓе можат да извлечат неоправдана добивка на сметка на потрошувачите.
Тоа беше неговата порака до оние трговци на мало и добавувачи на услуги кои ги зголемија своите цени.
„Сите се свесни за што зборувам. Царината знае, УЈП знае, министерствата и сите нивни сектори знаат. Инспекторите ќе бидат испратени на терен да ја исправат оваа неправда, која ја направија неодговорни лица без причина“, велат Плекновиќ.
Премиерот додаде дека овие актери го оцрнуваат процесот на конверзија и придонесуваат за инфлација.
Владата донесе одлука со која ќе се обиде да ги натера сите компании кои ги покачија цените на стоките и услугите што ги нудат со кршење на законот за преминување кон еврото да ги ревидираат цените на мало.
„Цените ќе треба да се вратат на ниво од 31 декември 2022 година“, рече министерот за економија Давор Филиповиќ.
