Украинскиот претседател Володимир Зеленски го задолжи премиерот Денис Шмихал „темелно да ја разработи“ можноста Русија да се преименува во „Москва“ на украински јазик.
Наменска петиција беше објавена на веб-страницата на претседателот со која се предлага зборовите „Руска федерација“ да се заменат со „Московска федерација“.
Петицијата собра 25.000 потписи.
Зеленски побара да се испита до кој степен преименувањето е можно во историски и културен контекст и какви меѓународни правни импликации може да има тоа.
Во јануари 2022 година, Градскиот совет на Киев предложи Русија да се преименува во „Москва“.
Претходно, во декември 2021 година, пратениците на Советот на Лавовската област, при втор обид, изгласаа резолуција со која се повикува Врховната Рада и претседателот да ја преименуваат Русија во „Москва“ со цел „да се врати историската правда“. БГНЕС
