Руските окупатори залудно се обидуваат да постигнат успех во воениот регион Доњецк и да стигнат до административните граници, а тоа планираат да го направат до крајот на оваа година, соопшти во синоќешната изјава украинскиот претседател Володимир Зеленски.
„Непријателот не се откажа од лудата идеја да го освои Донбас… Сега тие ја поставуваат Новатгодина како своја цел“, рече Зеленски.
„Благодарам на сите наши момци кои цел месец им докажуваа на окупаторите дека ние сме тие кои ќе поставуваме и постигнуваме цели на нашата земја. Благодарам на сите што го бранат украинскиот Донбас! На сите што го бранат нашиот регион Харков. На сите што го држат нашиот југ! Н а оние кои ја чуваат нашата граница“, се вели во обраќањето.
Руската Федерација ги исцрпува своите резерви со секој нов ракетен напад врз Украина, а земјата агресор само сè подлабоко влегува во ќорсокак.
„Тие имаат се помалку и помалку проектили. Во исто време, нивниот статус на најголем терорист во светот ќе има последици за Русија и нејзините граѓани уште долго време. И секој проектил само го зајакнува верувањето дека сè мора да заврши со Трибунал.Токму тоа ќе се случи“, нагласува тој.
