Украинскиот претседател Володимир Зеленски рече дека Русија го одбила предлогот за прекин на огнот за време на православниот Велигден, недела (24-ти април).
Високи свештеници ширум светот ја повикуваат Руската православна црква да ја осуди инвазијата на Кремљ врз Украина. Руската православна црква не го коментираше ова прашање.
Во видео-обраќањето, Зеленски рече дека и покрај одбиеното примирје, тој сè уште негува надежи за мир.
Кремљ не ја потврди изјавата на украинскиот лидер, а Русија го отфрли барањето претходно оваа недела, откако генералниот секретар на ОН Антонио Гутереш повика на примирје до Велигден за да се овозможи хуманитарна помош и безбеден премин за цивилите кои се обидуваат да побегнат од воената зона.
Заменик-амбасадорот на Русија во Обединетите нации, Дмитриј Полјански, рече дека барањето не е „искрено“ и дека на украинските борци ќе им даде повеќе време да се вооружат.
