Украинскиот претседател Володимир Зеленски му се заблагодари на американскиот претседател Џо Бајден откако САД ветија дополнителни 2,5 милијарди долари воена помош за Украина.
Тој рече дека новото оружје и воената опрема ќе бидат важни за борбата против агресорите.
Администрацијата на Бајден синоќа најави дека ќе обезбеди дополнителна помош за Украина. Пакетот вклучува 59 борбени возила „Бредли“, 90 оклопни транспортери „Страјкер“ и 53 возила заштитени од мини, се вели во соопштението на американското Министерство за одбрана.
Последната помош вклучува и дополнителна муниција за артилериски ракетни системи со висока подвижност (HIMARS), осум системи за воздушна одбрана „Avenger“, десетици илјади артилериски куршуми и околу 2.000 противтенковски проектили.
Севкупно, САД одвоија повеќе од 27,4 милијарди долари безбедносна помош за Украина од руската инвазија минатиот февруари.
