Зеленски го поканил францускиот претседател Емануел Макрон да ја посети Украина за лично да потврди дали руските сили извршиле „геноцид“, објави Би-Би-Си.
„Го поканив да дојде кога ќе има можност. Ќе дојде да види и сигурен сум дека ќе разбере“, рече Зеленски.
Зеленски претходно рече дека неподготвеноста на Макрон да го користи терминот „геноцид“ е многу болна за Украина.
САД, кои историски не сакаат да ги обвинуваат државите за геноцид, минатата недела го обвинија рускиот претседател Владимир Путин дека извршил акти на геноцид во обид да ја „избрише“ идејата за украинскиот идентитет. Конвенцијата на Обединетите нации за геноцид, која САД ја потпишаа, бара од државите да интервенираат штом геноцидот ќе биде официјално идентификуван.
