Рускиот гасен гигант Газпром денеска започнува со рутински 10-дневен ремонт на гасоводот „Северен тек 1“ , а Германија и другите европски земји нервозно гледаат дали гасот повторно ќе протече. Редовните работи на двата гасоводи беа најавени многу порано, но се стравува дека – со односите меѓу Русија и Западот на историски најниско ниво поради инвазијата на Украина – Гаспром би можел да ја искористи можноста едноставно да ги затвори вентилите .
„Путин ќе ја затвори славината за гас… но дали повторно ќе ја вклучи? пишува на сајтот на германскиот дневен весник Билд. „Се соочуваме со ситуација без преседан – сè е можно“, изјави германскиот заменик-канцелар Роберт Хабек за јавното радио во текот на викендот.
„Можно е гасот повторно да тече, дури и на повисоко ниво на волумен од претходно“, рече тој. Сепак, тој предупреди на можноста ништо да не се случи и дека сепак треба да бидеме подготвени за најлошото додека Европа се бори повеќе да не зависи од руските енергетски извори.
Најмалку едно прашање беше решено во текот на викендот, кога Канада се согласи да ги врати турбините потребни за одржување на гасоводот Северен тек 1 во Германија, и покрај приговорите од Украина.
Германскиот канцелар Олаф Шолц, преку својот портпарол, во неделата ја „поздрави одлуката на нашите канадски пријатели“ да му дадат, како што го нарече Отава, временски ограничена и отповиклива дозвола за Сименс Канада да дозволи враќање на турбината.
Русија инсистираше на тоа дека треба да ја обнови машината пред да може да го зголеми протокот по неколку недели значителни намалувања.
Украина, сепак, минатата недела го обвини Берлин дека ѝ се поклонува на руската „уцена“ откако Москва ги обвини кратењата на снабдувањето со поправки, а не пазарните услови предизвикани од војната во Украина.
