Неизвесност за прекин на испорака на вакцината Спутник В Русија откако министерот за надворешни работи, Бујар Османи објави дека Македонија се приклучува на санкции кон Русија.
Османи на Твитер напиша дека Македонија ќе се солидаризира со санкциите на САД.
“Македонија во целост ги поддржува и се солидализира со санкциите на САД, како одговор на Руските дестаблизирачки акции против САД и нејзините сојузници. Подобрување на заедничката безбедност е наша цел”, објави Османи по што веднаш стигна одговор од Москва.
Во реакцијата на руската амбасада во Скопје вели дека декларативните изјави за продлабочување на соработката помеѓу двете земји не кореспондираат со македонските политиките, напоменувајќи дека двете држави имаат заеднички закани и предизвици, веројатно посочувајќи ја пандемијата на коронавирус.
“Ќе ја имаме во предвид македонската солидарност која се базира на недокажани наводи за руски активности. Веруваме дека приоритетите треба да рефлектираат и да кореспондираат со заедничките закани и предизвици. Вакви изјави нималку не помагаат во јавните заложби на Македонија да ги подобри односите од заеднички интерес со Русија”, одговорија од руската амбасада во Скопје.
Неодамна министерот за здравство Венко Филипче изрази благодарност до рускиот амбасадор во Македонија за неговиот личен ангажман за пристигнувањето на предходните и скорешно пристигање на 200 илјади дози од руската вакцини Спутник V.
Во коментарите дел од твитерџиите бараат Москва да не го цени македонскиот народ според изјавите на министерот Османи.
We take note of 🇲🇰's solidarity based on unfounded allegations of 🇷🇺's activities. Believe priorities should reflect need to respond to common threats and challenges. Such statements hardly contribute to 🇲🇰's publicly declared intention to enhance mutually beneficial ties with 🇷🇺 https://t.co/ek2kbsH0yR
— Посольство России МК (@Russian_Emb_MKD) April 17, 2021
