Малку е веројатно дека гас ќе протече низ гасоводот Северен тек 2 доколку Русија ја обнови својата агресија врз Украина, изјави денеска американскиот државен секретар Ентони Блинкен.
„Тој гасовод… гасот не минува низ него во моментов. Всушност, тоа е средство за влијание на Русија, бидејќи се` зависи од тоа колку рускиот претседател Владимир Путин сака да види проток на гас низ тој гасовод – дали и кога тој станува оперативен. Веројатно е дека тоа нема да се случи доколку Русија ја обнови својата агресија против Украина“, изјави Блинкен за NBC, пренесе Ројтерс.
Претходно, министрите за надворешни работи на Г7 ја предупредија Русија дека „ќе претрпи сериозни последици доколку изврши агресија врз Украина“.
