Поранешната шефица на бугарската диопломатија, Екатерина Захариева, вели дека Брисел ја разбира „загриженоста“ на Бугарија од новиот бран антибугарска кампања, по укинувањето на бугарското вето за РСМ за почеток на преговори за членство во ЕУ.
„О, да. Мора да бидеме наивни дека Брисел не ја разбира нашата загриженост. Урсула фон дер Лајен тешко дека ќе заборави како ја пречекаа во парламентот на Северна Македонија – со плакати „Предавници на народот“, „Народот рече НЕ, сфатете се“, „Јазикот е идентитет“, „Деца на Заевизмот, вие сте враќање на фашизмот“.
Што е со францускиот претседател, што со комесарот за проширување? Одамна антибугарскиот бран стана антиевропски. Сите знаеме кој има интерес од ова, кој не сака Северна Македонија да влезе во Европската Унија и кој сака Балканот да остане нестабилен, вели Захариева во интервју за БГНЕС..
Интервјуто доаѓа во пресрет на изборите во Бугарија, а според анкетите токму партијата ГЕРБ на која пропаѓа екс-министерката, ќе биде убедлив победник.
Зарем не мислите дека европските амбасадори во Скопје пред неколку дена не видоа како на трибините на нивниот стадион публиката ја исвиркува нашата химна и ги навредува нашите фудбалери. Видовте ли таков став во Разград кога бевме домаќини на нивната фудбалска репрезентација?
Едно мора да им биде јасно на политичарите во Скопје, Европската унија гарантира подобар живот за нивните граѓани и тие го сакаат токму тоа, но наместо да одат по патот на добрососедството, тие се уште се жртви на комунистичката југословенска пропаганда на омраза кон Бугарија.
Затоа сакаме оваа земја да ги отвори своите архиви на тајните служби, да се исчисти од поранешните комунистички полициски агенти во нејзините редови, да го отстрани јазикот на омраза од учебниците и медиумите. Никој не ги бира соседите, нема шанси да ги придвижиме нашите земји понатаму, па затоа е смешно и одвратно да се живее вака – во омраза.
А кој и да го поттикне тоа ќе биде најстрого казнет, ако не сега, тогаш во историјата, вели Захариева.
